A urtean
I. Irakurgaia
Jaun eta Mesias egin dau Jainkoak Jesus.
Apostoluen Eginak liburutik
Eg 2, 14a. 36-41
Pentekoste-egunean, Pedrok honan berba egin
eutsen judeguei: «Jakin begi ziur Israel herri osoak, Jaun eta Mesias egin
dauala Jainkoak zuek kurutzeratu zenduen Jesus hau».
Hitz honeek bihotza ikutu eutsiela, Pedrori
eta gainerako apostoluei esan eutsien: «Anaiok, zer egin behar dogu?»
Pedrok erantzun eutsen: «Bihotz-barritu
zaiteze eta bateatu guztiok Jesus Mesiasen izenean, pekatuak parkatu
dakizuezan, eta Espiritu Santua hartuko dozue doan. Izan be, zuentzat eta zuen
seme-alabentzat agindu eban Jainkoak dohai hau, baita Jaunak gure Jainkoak
deituko dituan atzerritar guztientzat be».
Beste berba askoren bidez be egiten eutsen
Pedrok testigantza, eta erreguka eskatzen eutsen, esanez: «Salbatu egizue zeuen
burua gizaldi galdu honengandik».
Pedroren hitza onartu ebenak bateatu egin
ziran, eta egun haretan hirumilaren bat lagun batu jakon taldeari.
Jaunak esana
Erantzun salmoa
Sal 23 [22], 1-3. 4. 5. 6 (R/. 1)
R/. Jauna dot artzain, ez naz ezeren beharrean.
Edo: Aleluia.
V/. Jauna dot artzain, ez naz ezeren beharrean;
larre
gurietan etzunazoten nau,
ur-bazter
nasaira eroaten
eta
indarrak deustaz barritzen;
bide
segurutik naroa,
bere
izenari ohore eginez. R/
V/. Ibar baltz ilunean banabil be,
ez
naz gatxaren bildur,
Zu
nigaz zagoz-eta;
zure
artzain-makilak nasaitzen nau. R/.
V/. Mahaia atontzen deustazu
arerioen
begi-bistan;
orioz
igurzten deustazu burua,
gainezka
dot edontzia. R/.
V/. Zoriona eta maitasuna ditut lagun,
bizitzako
egun guztietan,
eta
Jaunaren etxean biziko naz
amaibako
egunetan. R/.
II. Irakurgaia
Zeuen artzain eta zaintzaileagana bihurtu zarie.
San Pedro Apostoluaren lehenengo epistolatik
1 P 2, 20b-25
Senide maiteok: On egiteagaitik nekeak jasan
behar badozuez, hori gauza ederra da Jainkoaren begietan. Horretarako deitu
deutsue Jainkoak; izan be, Kristok berak be nekeak jasan ebazan zuekaitik, zuei
eredua itziz, haren pausuei jarraitu deiezuen. Harek ez eban pekaturik egin,
haren ahoan ez eben aurkitu maltzurkeriarik. Iraintzen ebenean, ez eban irainez
erantzuten; nekeak jasatean, ez eban mehatxurik egiten; bestetara, zuzen
epaitzen dauanaren eskuetan jartzen eban bere burua.
Gure pekatuak bere gain hartu eta kurutzera
eroan ebazan, gu, pekaturako hilik, zuzen bizi gaitezan; haren zauriek osatu
zaituee. Ardi galduak lez zenbiltzen; baina orain zeuen artzain eta
zaintzaileagana bihurtu zarie.
Jaunak esana
Aleluia
Jn 10, 14
R/. Aleluia.
V/. Neu naz artzain ona, dino Jaunak;
ezagutzen
ditut neure ardiak,
eta
neureek ezagutzen nabe Ni. R/.
Ebanjelioa
Neu naz ardien atea.
✠ Jesu Kristoren Ebanjelioa San Joanen liburutik
Jn 10, 1-10
Aldi haretan, Jesusek esan eban: «Bene-benetan
dinotsuet: Artegian, atetik barik beste nonondik sartzen dana lapurra da eta
harrapatzailea. Atetik sartzen dana, barriz, artzaina da. Honi zabaldu egiten
deutsa atezainak, eta ardiek entzun egiten dabe haren ahotsa; ardi bakotxari
bere izenaz deitzen deutsa, eta kanpora ataratzen ditu. Ardi guztiak atara
ostean, aurretik joaten jake eta ardiek jarraitu egiten deutsoe, haren ahotsa
ezagutzen dabe-eta. Arrotzari, ostera, ez deutsoe jarraituko; kontrara, ihes
egingo deutsoe, arrotzaren ahotsa ez dabe ezagutzen-eta».
Jesusek parabola hau esan eutsen, baina
hareek ez eben ulertu zer esan gura eutsen. Orduan, holan azaldu eutsen barriro
Jesusek: «Bene-benetan dinotsuet: Neu naz ardien atea. Nire aurretik etorritako
guztiak lapurrak ziran eta harrapatzaileak; horregaitik, ardiek ez eutsien
jaramonik egin. Neu naz atea. Ate honetatik sartzen dana salbatu egingo da,
nasai sartu eta urtengo dau, eta aurkituko dau jatekoa. Lapurra ez doa
artaldera ostu, hil eta hondatzera baino; Ni, barriz, bizia izan dagien etorri
naz, eta ugari izan dagien».
Jaunak esana
B urtean
I. Irakurgaia
Ez dogu beste inor salbatu gaikezanik.
Apostoluen Eginak liburutik
Eg 4, 8-12
Aldi haretan, Pedrok, Espiritu Santuaz beterik, esan eban: «Herriko agintari eta zaharrok, gaur, gaixo bati eginiko mesedea dala-eta, noren eskuz osatu dan itauntzen deuskuzue; bego, beraz, argi zuentzat guztiontzat eta Israel herri osoarentzat, zuek kurutzeratu eta Jainkoak hilen artetik biztu eban Jesu Kristo Nazaretarraren izenean dozuela gizon hau zeuen aurrean osaturik. Jesus hauxe da zuek, "etxegileok, baztertutako harria, giltzarri bihurtua". Honengan bakarrik dogu salbazinoa, ez deusku-eta Jainkoak gizon-emakumeoi beste inor emon eguzkipean, gu salbatu gaikezanik».
Jaunak esana
Erantzun salmoa
Sal 118 [117], 1 eta 8-9. 21-23. 26 eta 28-29 (R/. ik. 22)
R/. Etxegileek baztertutako harria,
berori bihurtu da giltzarria.
Edo: Aleluia.
V/. Eskerrak Jaunari, ona da-eta,
haren
maitasuna betikoa da-eta.
Hobe
da Jaunagan babestea
gizakiaz
fidatzea baino;
hobe
Jaunagan babestea
handikiez
fidatzea baino. R/.
V/. Eskerrak Zuri erantzun deustazulako,
nire
salbatzaile izan zaralako.
Etxegileek
baztertutako harria
giltzarri
bihurtu da.
Jaunak
egin dau hori,
gure
begien harrigarri. R/.
V/. Bedeinkatua Jaunaren izenean datorrena!
Jaunaren
etxetik bedeinkatzen zaituegu.
Zeu
zara nire Jainko, eskerrak Zuri!
Gora
Zu, ene Jainko hori!
Eskerrak
Jaunari, ona da-eta,
haren
maitasuna betikoa da-eta. R/.
II. Irakurgaia
Dan lakoa ikusiko dogu Jainkoa.
San Joan Apostoluaren lehenengo epistolatik
1 Jn 3, 1-2
Seme-alaba maiteok: Begira zenbaterainoko maitasuna agertu deuskun Aitak, Jainkoaren seme-alaba izena daroagu-eta, baita izana be. Hona zergaitik munduak ez gaituan ezagutzen: Aita be ezagutu ez ebalako. Ene maiteok, orain Jainkoaren seme-alaba gara; gero izango garana oraindino ez da agertu. Badakigu, Kristo agertuko danean, haren antzeko izango garala, dan lakoa ikusiko dogu-eta.
Jaunak esana
Aleluia
Jn 10, 14
R/. Aleluia.
V/. Neu naz artzain ona, dino Jaunak;
ezagutzen
ditut neure ardiak,
eta
neureek ezagutzen nabe Ni. R/.
Ebanjelioa
Artzain onak bere bizia emoten dau ardien alde.
✠ Jesu Kristoren Ebanjelioa San Joanen liburutik
Jn 10, 11-18
Aldi haretan, Jesusek esan eban: «Neu naz
artzain ona. Artzain onak bere bizia emoten dau ardien alde. Ez, ostera,
morroiak, artzain ez danak eta ardiak bereak ez dituanak; honek, otsoa
datorrela ikustean, ardiak itzi eta ihes egiten dau; eta otsoak ardiak
harrapatu eta sakabanatu egiten ditu. Izan be, morroiari soldatak deutsa
ardura, eta ez ardiak.
Neu naz artzain ona. Ezagutzen dodaz neure
ardiak, eta neureek ezagutzen nabe Ni, Aitak Neu ezagutzen nauan eta Neuk Aita
ezagutzen dodan moduan. Nik neure bizia emoten dot ardien alde. Badodaz artegi
honetakoak ez diran beste ardi batzuk; honeek be erakarri egin behar dodaz;
entzungo dabe nire ahotsa eta artalde bakarra izango dira, ardi-jagole
bakarraren gidaritzapean.
Horregaitik maite nau Aitak: neure bizia
emoten dodalako, barriro eskuratzeko. Ez deust bizia inork kentzen, Neuk emoten
dot neure gogoz. Neure esku dot emotea eta neure esku barriro eskuratzea.
Horixe da nire Aitagandik hartu dodan agindua».
Jaunak esana
C
urtean
I. Irakurgaia
Jentilengana joko dogu.
Apostoluen Eginak liburutik
Eg 13, 14. 43-52
Egun hareetan, Paulo eta Bernabe Pergetik
Pisidiako Antiokiara joan ziran. Eta zapatuan sinagogan sartu ziran eta han
jesarri.
Judegu askok eta Jainkoa gurtzen eben judegu
barri askok Paulori eta Bernaberi jarraitu eutsien; honeek, euren hitzez,
Jainkoaren graziari loturik irauteko adore emoten eutsien.
Hurrengo zapatuan, ia herri osoa batu zan
Jaunaren hitza entzuteko. Jentetza ha ikusirik, judeguak bekaitzez bete ziran
eta irainka egiten eutsoen kontra Paulok esaten ebanari. Orduan, Paulok eta
Bernabek ausartsu esan eben: «Zuei adierazo behar geuntsuen lehenengo
Jainkoaren hitza; baina hitza baztertu eta zeuen buruak betiko bizitzarako gai
ikusten ez dozuezan ezkero, jentilengana joko dogu. Hauxe agindu deusku-eta
Jaunak: "Nazinoen argitzat ezarri zaitut, salbazinoa lurraren
bazterreraino eroan dagizun"».
Hau entzutean, jentilak poztu egin ziran eta
Jaunaren hitza goratzen eben. Eta betiko bizitzarako ziranek sinistu egin eben.
Jaunaren hitza zabalduz joian herrialde
haretan guztian. Baina judeguek andra handiki jainkozale batzuk eta herriko
jauntxuak berotu ebezan, Pauloren eta Bernaberen kontra erasoaldia sortu eben
eta euren lurraldetik bota ebezan. Paulo eta Bernabe, protesta antzera euren
oinetako hautsa hareen aurka astindu eta Ikoniora joan ziran. Ikasleak, barriz,
pozez eta Espiritu Santuaz beterik gelditu ziran.
Jaunak esana
Erantzun salmoa
Sal 100 [99], 2. 3. 5 (R/. 3c)
R/. Jaunaren herri gara eta haren larreko artalde.
Edo: Aleluia.
V/. Lurtar guztiok, egin irrintzi Jaunari,
zerbidu
egizue Jauna pozaren pozez,
sartu
zaiteze oihu alaiz haren aurrera. R/.
V/. Jakizue Jauna dala Jainkoa,
harek
egin gaitu, harenak gara,
beraren
herri eta beraren larreko artalde. R/.
V/. «Ona
da-eta Jauna,
haren
maitasuna betikoa,
haren
leialtasuna gizaldiz gizaldikoa». R/.
II. Irakurgaia
Bildotsak
janarituko ditu
eta ur biziko
iturrietara eroango.
Apokalipsia liburutik
Ap 7, 9. 14b-17
Nik, Joanek, gizatalde handi bat ikusi
neban, inork ezin konta ahalakoa, nazino eta arraza, herri eta hizkuntza
guztietako jentez osotua, tronuaren eta Bildotsaren aurrean zutunik, soineko
zuriz jantzita eta palma-adarrak eskuetan.
Zaharretako batek esan eustan: «Honeek
larrialdi handitik datozenak dira. Bildotsaren odolean garbitu dabez euren soinekoak,
eta zuritu. Horregaitik dagoz Jainkoaren tronu aurrean, gau eta egun hari
gurtza emoten bere tenpluan, eta tronuan jesarrita dagoana eurekin biziko da.
Ez dira gehiago gose, ez egarri izango, eta ez ditu eguzkiak, ez sargoriak
joko, tronuaren erdian dagoan Bildotsak janarituko ditualako eta ur biziko
iturrietara eroango. Eta Jainkoak begietako negar-anpulu guztiak sikatuko
deutsez».
Jaunak esana
Aleluia
Jn 10, 14
R/. Aleluia.
V/. Neu naz artzain ona, dino Jaunak;
ezagutzen
ditut neure ardiak,
eta
neureek ezagutzen nabe Ni. R/.
Ebanjelioa
Betiko bizia emoten deutset Nik neure ardiei.
✠ Jesu Kristoren Ebanjelioa San Joanen liburutik
Jn 10, 27-30
Aldi haretan, Jesusek esan eban: «Nire
ardiek entzuten dabe nire ahotsa; Nik ezagutzen dodaz, hareek jarraitu egiten
deuste, eta Nik betiko bizitza emoten deutset; ez dira betiko galduko, ez
deustaz inork be eskutik kenduko.
Hareek emon deustazan nire Aita beste
guztiak baino handiagoa da, eta ezin ditu inork be kendu nire Aitaren eskutik.
Aita eta biok bat gara».
Jaunak esana
