Bezpera-arratsaldeko nahiz Gaubelako Meza
A B C urteetan
I. Irakurgaia
Babel ezarri
eutsoen izena,
han nahastu
eban-eta Jaunak mundu guztiaren hizkuntza.
Hasiera liburutik
Has 11, 1-9
Sasoi haretan mundu guztiak hizkuntza eta
berba berberak eukazan. Sortaldetik etorrita, gizonek ibar bat aurkitu eben
Sinearko lurraldean eta han kokatu ziran. Orduan, hau esan eutsoen alkarri:
«Ea, adreiluak egin eta erre dagiguzan sutan». Eta, holan, harriaren ordez
adreilua erabili eben, eta kare-orearen ordez bikea.
Gero, esan eben: «Ea, eraiki dagiguzan uri
bat eta zerurainoko torre bat. Ospetsu egingo gara eta ez gara munduan zehar
sakabanatuko».
Jaitsi zan Jauna gizonek eraikitzen
ziharduen uria eta torrea ikustera, eta esan eban: «Horra, guztiak herri bat
bera dira, hizkuntza bat berekoak. Hau euren lehenengo lana badabe,
aurrerantzean ez jake ezinezko jazoko egin nahi izango dabenik ezer. Jaitsi eta
nahastu deiegun, bada, hizkuntza, alkar ulertu ez dagien».
Holan, Jaunak handik bota eta mundu zabalean
sakabanatu ebazan; uria eraikitzeari itzi egin behar izan eutsoen. Horregaitik,
Babel –hau da, «Nahasketa»– ezarri eutsoen izena, han nahastu eban-eta Jaunak
mundu guztiaren hizkuntza, eta handik sakabanatu ebazan mundu zabalean.
Jaunak esana
Erantzun salmoa
Sal 33 [32], 10-11. 12-13. 14-15 (R/. ik. 12b)
R/. Bai dohatsu
Jaunak bere
oinorde aukeratu dauan herria.
V/. Ezereztu egiten ditu Jaunak nazinoen asmoak,
huts
bihurtzen herrien burubideak.
Jaunaren
asmoak, barriz, betiko dirau,
haren
burubideek gizaldiz gizaldi. R/.
V/. Zorionekoa, Jauna Jainko dauan nazinoa,
harek
bere ondaretzat aukeratu dauan herria.
Jaunak
zerutik begiratzen dau,
ikusten
dauz gizaki guztiak. R/.
V/. Bere bizilekutik jarriak ditu begiak
munduko
biztanle guztien gainean,
berak
egin dau-eta danen bihotza,
eta
adi dago hareen egintza guztiei. R/.
II. Irakurgaia
Jaitsiko da Jauna Sinai mendira herriaren aurrean.
Urteera liburutik
Ur 19, 3-8a. 16-20b
Egun hareetan, Moisesek Jainkoagana igon
eban. Jaunak menditik dei egin eta esan eutson: «Hitz egin Jakoben ondorengoei,
israeldarrei, eta adierazo hau: "Ikusi dozue zer egin deutsedan
egiptoarrei, eta zelan eroan zaituedan zuek arrano-hegoetan eta Nigana ekarri.
Orain, beraz, nire esana betetzen badozue eta nire ituna gordetzen, zuek izango
zaituet herri guztien artean neure jaubetza berezia, neurea da-eta lur osoa;
abade-erreinu izango zaituet eta Neuri sagaratutako herria". Hau da
israeldarrei esango deutsezuna».
Joan zan Moises eta, herri-arduradunak
baturik, Jaunak agindu eutson guztia adierazo eutsen. Orduan, herri guztiak aho
batez erantzun eban: «Jaunak esandako guztia beteko dogu».
Hirugarren eguna argitzean, trumoiak eta
tximistak, hodei itxia eta turuta-hots ozena izan ziran mendi gainean, eta
kanpalekuan egoan herri guztia dardara baten jarri zan. Moisesek herriari
kanpalekutik urtenazo eutson Jainkoaren aurrera joateko, eta mendiaren oinean
gelditu ziran.
Sinai mendi osoa ketan egoan, Jauna su artean
jaitsi zan-eta. Labatik lez igoten eban keak menditik, eta mendi guztia dardara
bizian egoan. Gero eta ozenagoa zan turuta-hotsa: Moisesek berba egin eta
Jaunak trumoi-hotsez erantzuten eutson. Jauna Sinai mendiaren gailurrera jaitsi
zan eta bertara dei egin eutson Moisesi.
Jaunak esana
Erantzun salmoa
Dn 3, 52. 53. 54. 55. 56 (R/. 52b)
V/. Bedeinkatua Zu, Jauna, gure asaben Jainkoa:
R/. Aintza eta gorespen Zuri gizaldietan!
V/. Bedeinkatua zure izen santua eta ospetsua: R/.
V/. Bedeinkatua Zu zeure tenplu santu eta ospetsuan: R/.
V/. Bedeinkatua Zu, errege-tronuan jesarrita zagozana: R/.
V/. Bedeinkatua Zu, kerubinen gainean jesarririk,
lezak
arakatzen dozuzana: R/.
V/. Bedeinkatua Zu zeru-sabaian: R/.
Edo: Sal 19 [18], 8. 9. 10. 11
R/. Zeuk daukazuz, Jauna, betiko biziaren hitzak.
V/. Jaunaren legea bikain, barrua arnasbarritzen
dau;
Jaunaren
agindua fidagarri, heldubakoa zuhur egiten dau. R/.
V/. Jaunaren arauak zuzen, bihotzaren pozgarri;
Jaunaren
agindua distiratsu, begien argigarri. R/.
V/. Jaunaganako begirunea garbi, betiko irauten
dau.
Jaunaren
erabagiak benetako, dan-danak bidezko. R/.
V/. Urrea, urre araztua baino desiragarriago,
eztia,
ezti barria baino gozoago. R/.
III. Irakurgaia
Hazur igartuok, espiritua sartuazoko dot Nik zuengan,
eta biziko zarie.
Ezekielen Profezia liburutik
Ez 37, 1-14
Egun hareetan, Jaunaren indarra jaubetu zan
nitaz, eta haren espirituak hartu eta hazurrez betea egoan haran baten erdian
itzi ninduan. Batera eta bestera ibiliazo ninduan hareen artean; hazur-pilo
izugarria egoan haranean, zehatz igartuta.
Jaunak esan eustan: «Gizaseme, bizi ete
leitekez hazur honeek barriro?» Erantzun neutsan: «Jauna, Zeuk jakingo dozu».
Harek, orduan: «Hitz egin nire izenean hazur
honeei eta esan: "Hazur igartuok , entzun Jaunaren hitza. Hau esaten
deutse Jainko Jaunak hazur igar honeei: espiritua sartuazoko dot Nik zuengan,
eta biziko zarie. Zanez inguratuko zaituet, haragia eratuko dot zuen gainean,
narruazala zabalduko eta espiritua emongo deutsuet, bizi zaitezen. Eta jakingo
dozue Neu nazala Jauna"».
Hitz egin neban Jaunaren izenean berak
agindu eustan lez, eta, nik hitz egin bitartean, zarata bat izan zan: lurrak
dardara egin eban eta hazurrak bata besteagaz alkartzen hasi ziran. Gainean
zanak eta haragia sortzen jakezala ikusi neban eta narruazalez estaltzen
zirala; baina ez eben espiriturik.
Jaunak, orduan, esan eustan: «Hitz egin nire
izenean espirituari, hitz egin, gizaseme. Hau esango deutsazu espirituari:
"Horra zer dinoan Jainko Jaunak: Zatoz lau haizeetatik, espiritu, eta
haize emon hildako honeei, bizi daitezan"».
Hitz egin neban Jaunaren izenean berak
agindu eustan lez, eta espiritua sartu zan hazurretan, bizira bihurtu ziran eta
zutundu; gudaroste izugarria zan.
Esan eustan Jaunak: «Gizaseme, hazur horreek
Israel herri osoa dira. Hor dabiltz esaten: "Gure hazurrak igartuta dagoz,
galdu dogu itxaropena; gureak egin dau".
Hitz egin, beraz, nire izenean eta esan:
"Horra zer dinoan Jainko Jaunak: Nik edegiko ditut zuen hilobiak,
urtenazoko deutsuet zeuen hilobietatik, ene herri, eta Israelgo lurraldera
eroango.
Eta zuen hilobiak edegi eta horreetatik
urtenazoko deutsuedanean, ene herri, orduan jakingo dozue Neu nazala Jauna.
Neure espiritua ezarriko dot zuengan, eta bizibarrituko zarie. Zeuen lurraldean
ezarriko zaituet, eta jakingo dozue, Nik, Jaun honek, esandakoa bete egiten
dodala"». Halan dino Jainko Jaunak.
Jaunak esana
Erantzun salmoa
Sal 107 [106], 2-3. 4-5. 6-7. 8-9 (R/. 1)
R/. Eskerrak Jaunari,
haren maitasuna betikoa da-eta.
Edo: Aleluia.
V/. Oihukatu begie Jauna askatuek,
zapaltzailearen
eskutik askatu
eta
herrialde guztietatik, sortalde eta sartaldetik,
iparralde
eta hegoaldetik batutakoek. R/.
V/. Noraezean ebiltzan basamortuan,
bide
bakartietan, bizitzeko uririk aurkitu ezinik.
Gose
eta egarri ziran,
hilzorian,
adorea galdurik. R/.
V/. Baina larrialdian Jaunari deadar egin eutsoen
eta
libratu ebazan estualditik.
Bide
zuzenetik eroan ebazan,
bizitzeko
urira heldu arte. R/.
V/. Goratu begie Jauna bere maitasunagaitik,
gizakien
alde egiten dituan gauza harrigarriakaitik!
asetu
ebazan egarri ziranak,
ondasunez
bete gose ziranak. R/.
IV. Irakurgaia
Neure morroien
eta mirabeen gainera
neure espiritua
isuriko dot.
Joelen Profezia liburutik
Jl 3, 1-5
Honan berba egiten dau Jaunak:
«Neure espiritua isuriko dot gizaki guztien
gain.
Zuen
seme-alabek profetizatu egingo dabe,
zuen
zaharrek amesak egingo dabez,
zuen
gazteek ikuskariak izango.
Neure
morroien eta mirabeen gainera be
neure
espiritua isuriko dot, egun hareetan.
Gauza
harrigarriak egingo ditut zeru-lurretan:
odola
eta sua eta ke-mordoak.
Eguzkia
ilunpe bihurtuko da,
iretargiak
odol-itxura hartuko dau,
Jaunaren
eguna, egun handia eta ikaragarria,
heldu
baino lehen.
Orduan,
Jaunaren izenari dei egin deiona salbatuko da.
Sion
mendian eta Jerusalemen izango da salbabiderik,
Jaunak
esan eban lez;
Jaunak
deituak geldituko dira bizirik».
Jaunak esana
Erantzun salmoa
Sal 104 [103], 1-2a. 24 eta 35c. 27-28. 29b-30 (R/. ik. 30)
R/. Zeure arnasa bialdu gugana
eta lur-azala barritu, Jauna.
Edo: Aleluia.
V/. Bedeinkatu begi nire arimak Jauna!
Jauna,
ene Jainkoa, bai handia zarala!
Distiraz
eta handitasunez zagoz jantzia,
argiz
inguratua, soinekoz lez. R/.
V/. Bai ugariak, Jauna, Zuk eginak!
Danak
jakituriaz egin dozuz,
zure
sorkariz betea dago lurra.
Bedeinkatu
begi nire arimak Jauna! R/.
V/. Danak zure zain dagoz,
bere
sasoian Zuk jaten emoteko zain;
Zuk
emon, eta hareek harrapatzen dabe,
Zuk
eskua zabaldu, eta ondasunez betetzen dira. R/.
V/. Zuk arnasa kendu, eta hil egiten dira,
hauts
izatera bihurtzen.
Zuk
arnasa bialdu, eta barriro sortzen dira,
barritu
egiten dozu lurbira. R/.
Epistola
Espirituak
erregutzen dau gure alde,
ezin esan
ahalako aienez.
San Paulo Apostoluak Erromatarrei egindako epistolatik
Erm 8, 22-27
Senideok: Badakigu izadi osoa erdiminetan
aieneka dagoala orain arte. Eta ha ez ezik, gu geu be bai: Espiritua lehen
dohai lez hartu dogunok aieneka gagoz geure barruan, Jainkoak noiz askatuko eta
bere seme-alaba noiz egingo gaituan zain.
Salbatuak gagoz, bai, baina itxaropenean
bakarrik. Eta itxaroten doguna ikusiko bagendu, hori ez litzateke itxaropen
izango. Izan be, zelan itxaron ikusten doguna? Baina ikusten ez doguna
itxaroten badogu, iraupenez behar dogu itxaron.
Era berean, Espiritua datorkigu geure
makaltasunean lagun, guk ez dakigu-eta behar dan lez otoitz egiten; baina
Espirituak berak erregutzen dau gure alde, ezin esan ahalako aienez. Eta
bihotzak aztertzen dituan Jainkoak ezagutzen dau zein dan Espirituaren gogoa,
Espirituak Jainkoaren asmoen erara erregutzen dau-eta fededunen alde.
Jaunak esana
Aleluia
R/. Aleluia.
V/. Zatoz, Espiritu Santu,
bete
egizu zeure fededunen bihotza
eta
biztu hareengan zeure maite-sua! R/.
Ebanjelioa
Ur biziko ibaiak jarioko dira.
✠ Jesu Kristoren Ebanjelioa San Joanen liburutik
Jn 7, 37-39
Jaietako azken egunean, egunik handienean,
Jesusek zutunik jarri eta oihu egin eban, esanez: «Egarri dana betor Neugana,
eta edan begi Nigan sinisten dauanak. Liburu Santuak dinoan moduan, ur biziko ibaiak
jarioko jakoz barru-barrutik».
Beragan sinistuko ebenek hartuko eben
Espirituagaitik esan eban hori; izan be, ez zan oraindino Espiriturik, ze,
Jesusen aintza ez zan oraindino azaldu.
Jaunak esana
Pentekoste-eguneko Meza
A B C urteetan
Badira aukerako II. irakurgai eta Ebanjelio bereziak, B urterako eta C urterako.
I. Irakurgaia
Guztiak
Espiritu Santuaz bete ziran
eta berbetan
hasi.
Apostoluen Eginak liburutik
Eg 2, 1-11
Pentekoste-eguna heldu zanean, leku berean
baturik egozan ikasle guztiak. Bat-batean, haize-bolada indartsu batena lako
burrundara etorri zan zerutik eta ikasleak egozan etxe guztia bete eban.
Orduan, suzko mihinak lako batzuk agertu jakezan, eta, banatuz, bakotxaren
gainean kokatu ziran. Danak Espiritu Santuaz bete ziran eta hizkuntza arrotzez
hitz egiten hasi, bakotxa Espirituak eragiten eutson lez.
Bazan egun hareetan Jerusalemen judegu
jainkozalerik asko, zerupean diran herri guztietakoak. Burrundara ha entzutean,
jentetza handia batu zan eta harrituta gelditu ziran, nork bere hizkuntzan hitz
egiten entzuten eutsen-eta.
Harri eta zur, honan inoen: «Berba egiten
dabenok, ez ete dira guztiak galilearrak? Zelan entzuten deutsegu, bada,
bakotxak geure jatorriko hizkuntzan? Gure artean badira partiarrak, mediarrak
eta elamdarrak; baita Mesopotamian, Judean, Kapadozian, Ponton eta Asian bizi
diranak be; badira Frigiakoak eta Panfiliakoak, Egiptokoak eta Zirene inguruko
Libiakoak, baita erromatarrak be; eta danok, judegu nahiz judegu barri, kretar
nahiz arabiar, geure hizkuntzan entzuten deutsegu Jainkoaren egintza
harrigarriak adierazoten».
Jaunak esana
Erantzun salmoa
Sal 104 [103], 1ab eta 24ac. 29b-30. 31 eta 34 (R/. ik. 30)
R/. Zeure arnasa bialdu gugana
eta lur-azala barritu, Jauna.
Edo: Aleluia.
V/. Bedeinkatu begi nire arimak Jauna!
Jauna,
ene Jainkoa, bai handia zarala!
Bai
ugariak, Jauna, Zuk eginak!
Danak
jakituriaz egin dozuz,
zure
sorkariz betea dago lurra. R/.
V/. Zuk arnasa kendu, eta hil egiten dira,
hauts
izatera bihurtzen.
Zuk
arnasa bialdu, eta barriro sortzen dira,
barritu
egiten dozu lurbira. R/.
V/. Izan bedi betiko Jaunaren ospea!
Poztu
bedi Jauna bere eginetan!
Atsegin
bekio nire kanta,
Jaunagan
izango dot neure poza. R/.
II. Irakurgaia
Gu guztiok
Espiritu bat berarengan izan gara bateatuak,
gorputz bat
bakarra egiteko.
San Paulo Apostoluak Korintoarrei egindako lehenengo epistolatik
1 Ko 12, 3b-7. 12-13
Senideok: Ezin dau inork esan «Jesus da
Jauna!» Espiritu Santuak eraginda ez bada. Era askotakoak dira dohaiak, baina
bat bakarra Espiritua; era askotakoak zerbitzuak, baina bat bakarra Jauna; era
askotakoak eginbideak, baina bat bakarra Jainkoa, guztiengan guztia egiten
dauana. Bakotxari danen onerako emoten deutsaz Jainkoak Espirituaren dohaiak.
Gorputzak, bat izanik be, atal asko ditu;
baina atal guztiek, asko izanik be, gorputz bat bakarra osotzen dabe. Gauza
bera jazotzen da Kristogaz be. Gu guztiok, judegu nahiz greziar, esklabo nahiz
libre, Espiritu bat berarengan izan gara bateatuak, gorputz bat bakarra
egiteko. Eta guztiok Espiritu bat beretik edan dogu.
Jaunak esana
Neurtitza
Zatoz,
bai, Gogo Guren
eta
bialdu zerutik
zeure
argi-izpia.
Zatoz,
gaixoen aita,
zatoz,
dohai-emoile,
zatoz,
bihotzen argi.
Poz-emoile
bikaina,
etxelagun
atsegin,
sargorian
haize fin.
Lan
artean atseden,
nekean
aringarri,
malkoetan
pozgarri.
Bete,
argi dohatsu,
zintzoen
bihotzeko
zirrikiturik
barrukoena.
Zure
laguntza barik,
ez
dau gizonak ezer,
ez
dau ezer on danik.
Garbitu
zikin dagoana,
busti
lehor dagoana,
zauri
guztiak osatu.
Gogor
dana bigundu,
oker
dana zuzendu,
hotz
dagoana berotu.
Zugan
uste on daben
zintzoei
isuri
zazpi
dohai zerutik.
Zintzo-saria
emon,
osasun
hil artean,
poza
betierean.
Amen. Aleluia.
Aleluia
R/. Aleluia.
V/. Zatoz, Espiritu Santu,
bete
egizu zeure fededunen bihotza,
eta
biztu eurakan zeure maite-sua! R/.
Ebanjelioa
Aitak Ni bialdu
nauan lez,
Nik zuek
bialtzen zaituet.
Hartu egizue
Espiritu Santua.
✠ Jesu Kristoren Ebanjelioa San Joanen liburutik
Jn 20, 19-23
Astearen lehen-egunean, ilunabarrean, etxe
baten batuta egozan ikasleak, ateak itxita, judeguen bildurrez. Sartu zan Jesus
eta, erdian jarrita, esan eutsen: «Bakea zuoi». Hori esanda, eskuak eta
saihetsa erakutsi eutsezan. Ikasleak pozez bete ziran, Jauna ikustean.
Jesusek barriro esan eutsen: «Bakea zuoi.
Aitak Ni bialdu nauan lez, bialtzen zaituet Neuk be zuok». Eta hareen gainera
arnasa botata, esan eutsen: «Hartu egizue Espiritu Santua. Zuek pekatuak
parkatzen deutsezuezanei, parkatu egingo deutsez Jainkoak be; zuek parkamena
ukatzen deutsezuenei, ukatu egingo deutse».
Jaunak esana
Aukerako irakurgaiak
PENTEKOSTE DOMEKA
B urtean
II. Irakurgaia
Espirituaren frutuak.
San Paulo Apostoluak Galaziarrei egindako epistolatik
Ga 5, 16-25
Senideok: Bizi zaiteze Espirituari
dagokionez, eta ez grina txarrei jarraituz. Giza grinak Espirituaren aurkakoak
dira eta Espiritua giza grinen aurkakoa. Indar bi horreek alkarren aurka dabiltz;
holan, ez dozue nahi zeunkiena egiten. Espirituak gidatzen bazaitue, ez zagoze
legearen menpe.
Giza grinetatik sortzen diran egintzak
ezagunak dira: lizunkeria, zikinkeria, nasaikeria, idolatria, sorginkeria,
areriotza, hasarrea, bekaizkeria, gorrotoa, norgehiagokeria, alderdikeria,
zatiketak, ikusiezina, mozkorkeria, sabelkeria eta holakoak. Eta lehen esan
neutsuena dinotsuet barriro be: holan jokatzen dabenek ez dabe Jainkoaren
erreinua ondare jasoko.
Espirituaren frutua, barriz, hau da: maitasuna,
poza, bakea, pazientzia, bihotz ona, onginahia, leialtasuna, otzantasuna, bere
buruaren jaube izatea. Ez da legerik holakoak gatxetsiko dituanik. Eta Kristo
Jesusenak diranek kurutzean hilazo dabe pekatuzko euren giza izaera, bere
gurari eta grinekin. Bizia Espirituak emoten badeusku, jokatu be jokatu dagigun
Espirituaren arabera.
Jaunak esana
Aleluia
R/. Aleluia.
V/. Zatoz, Espiritu Santu,
bete
egizu zeure fededunen bihotza,
eta
biztu eurakan zeure maite-sua! R/.
Ebanjelioa
Egiaren Espirituak
gidatuko zaitue
egia osoraino.
✠ Jesu Kristoren Ebanjelioa San Joanen liburutik
Jn 15, 26-27; 16, 12-15
Aldi haretan, Jesusek esan eutsen ikasleei:
«Nik Laguntzailea, jatorria Aitagan dauan egiaren Espiritua, bialduko deutsuet
Aitagandik. Harek, etortzean, autormen egingo dau nire alde. Eta zeuok be
egingo dozue autormen, ze, hasieratik Neugaz zagoze.
«Gauza asko dot oraindino zuei esateko, baina
oraingoz ez zarie gauza ulertzeko. Halanda guzti, egiaren Espiritua etortzean,
harek gidatuko zaitue egia osoraino. Ez dau berak beragandik berba egingo,
ezpada ze, entzungo dauana esango deutsue eta etorkizuna iragarriko. Harek nire
aintza azalduko dau, ze adierazoko deutsuena niretik hartuko dau. Aitak daukan
guztia neurea da; horregaitik esan deutsuet Espirituak niretik hartuko dauala
adierazoko deutsuena».
Jaunak esana
Aukerako Irakurgaiak
PENTEKOSTE DOMEKA
C urtean
II. Irakurgaia
Jainkoaren
Espirituak gidatzen dituanak,
Jainkoaren
seme-alaba dira.
San Paulo Apostoluak Erromatarrei egindako epistolatik
Erm 8, 8-17
Senideok: Grina txarren menpean bizi diranak
ezin izan gogoko Jainkoari. Zuek, ostera, ez zarie grina txarren menpean bizi,
Espirituaren menpean baino, Jainkoaren Espiritua zuengan bizi da-eta.
Norbaitek Kristoren Espiritua ez badau, hori
ez da Kristorena. Kristo zuengan badago, barriz, gorputza pekatuagaitik hilik
egon arren, espirituak badau bizia Jainkoaren salbazino-indarrari esker. Jesus
hilen artetik biztu eban Jainkoaren Espiritua zuengan bizi bada, Kristo hilen
artetik biztu ebanak berak biziazoko dau zuen gorputz hilkorra be, zuengan bizi
dan Espirituaren bitartez.
Zorretan gagoz, baina ez grina txarrekin,
horreen arabera bizitzeko. Holan bizi bazarie, hil egingo zarie; baina Espirituaren
bidez giza egintza gaiztoei uko egiten badeutsezue, biziko zarie.
Jainkoaren Espirituak gidatzen dituanak,
horreetxek dira Jainkoaren seme-alaba. Zuek ez dozue hartu esklabo egiten
zaituen espiritua, barriro be bildurpean bizitzera eroango zaituen espiritua;
seme-alaba egiten zaituen Espiritua hartu dozue zuek, eta Espirituaren bidez
«Abba!», hau da, «Aita!» dei egiten deutsazue Jainkoari.
Espiritu berberak gure espirituagaz bat
egiten dau Jainkoaren seme-alaba garala autortzeko; eta, seme-alaba bagara,
baita oinordeko be, Jainkoaren oinordeko eta Kristoren oinordekide; izan be,
nekeetan Kristoren kideko bagara, aintzan be haren kideko izango gara-eta.
Jaunak esana
Aleluia
R/. Aleluia.
V/. Zatoz, Espiritu Santu,
bete
egizu zeure fededunen bihotza,
eta
biztu eurakan zeure maite-sua! R/.
Ebanjelioa
Espiritu Santuak irakatsiko deutsue guztia.
✠ Jesu Kristoren Ebanjelioa San Joanen liburutik
Jn 14, 15-16. 23b-26
Aldi haretan, Jesusek esan eutsen ikasleei:
«Maite banozue, beteko dozuez nire aginduak. Nik Aitari eskatuko deutsat, eta
beste Laguntzaile bat emongo deutsue, beti zeuekin egon dadin, egiaren
Espiritua. «Ni maite nauanak gordeko dau nire berbea; nire Aitak maiteko dau,
eta Aita eta biok harengana etorriko gara eta harengan egingo dogu bizilekua.
Ni maite ez nauanak, ostera, ez ditu gordetzen nire berbak. Eta entzuten dozuen
berbea ez da nirea, bialdu nauan Aitarena baino.
Zuekin nazan artean esan deutsuet hau. Baina
Aitak Laguntzailea, Espiritu Santua, bialduko deutsue nire izenean; harek
irakatsiko deutsue dana eta gogora ekarriko Nik esan deutsuedan guztia».
Jaunak esana
