KRISTOREN
GORPUTZ ETA
ODOL GUZTIZ SANTUAK
Jai Nagusia
A urtean
I. Irakurgaia
Mana emon
eutsun jaten,
ez zuk eta ez
zure gurasoek ezagutzen ez zenduen janaria.
Deuteronomioa liburutik
Dt 8, 2-3. 14b-16a
Moisesek honan berba egin eutson Israel
herriari: «Gogoratu Jaunak, zeure Jainkoak, basamortuan berrogei urte honeetan
eginarazo deutsun bidea: atsekabetu egin zaitu eta probatu, zure barru-asmoak
ezagutzeko eta zuk beraren aginduak beteko zenduzan ala ez jakiteko.
Beharrizan gorrian jarri zinduzan, gosea
pasatuazo eta mana emon eutsun jaten, ez zuk eta ez zure gurasoek ezagutzen ez
zenduen janaria, zuri jakinazoteko gizakia ez dala ogiz bakarrik bizi, Jaunaren
ahotik urteten dauan hitz guztitik baino.
Ez ahaztu Jauna zeure Jainkoa. Berak atara
zaitu Egiptotik, esklabotza-lurraldetik; berak eroan zaitu suge pozoitsuz eta
eskorpioiz betetako basamortu handi eta ikaragarrian zehar, urik bako eremu
lehor horretan zehar; berak atara dau sukarritik ura eta edaten emon deutsu;
berak emon deutsu jaten basamortuan zure gurasoek ezagutu ez eben mana».
Jaunak esana.
Erantzun salmoa
Sal 147, 12-13. 14-15. 19-20 (R/. 12a)
R/. Jerusalem, ospatu egizu Jauna!
Edo: Aleluia.
V/. Jerusalem, ospatu egizu Jauna,
Sion,
goratu zeure Jainkoa,
zure
ateen sarrailak indartu ditualako
eta
seme-alabak zugan bedeinkatu. R/.
V/. Zure mugetan bakea ezarri dau,
garirik
onenaz ase zaitu.
Bialtzen
dau lurrera bere mezua,
eta
haren hitza bizkor eta arin doa. R/.
V/. Bere hitza iragarri deutso Jakoben herriari,
bere
erabagiak eta aginduak Israeli.
Beste
herriei ez deutse holakorik egin,
bere
erabagirik ez deutse jakinarazo. R/.
II. Irakurgaia
Ogia bat danez,
guztiok gorputz
bat gara.
San Paulo Apostoluak Korintoarrei egindako lehenengo epistolatik
1 Ko 10, 16-17
Senideok: Jainkoa bedeinkatuz hartzen dogun esker onezko kalizak ez ete gaitu Kristogaz bat egiten haren odolean? Eta zatitzen dogun ogiak ez ete gaitu Kristogaz bat egiten haren gorputzean? Ogia bat danez, guztiok gorputz bat gara, ogi bakarretik hartzen dogu-eta danok.
Jaunak esana.
NEURTITZA
Neurtitz hau esan daiteke, nahi izan ezkero, osorik nahiz laburtua.
[Sion,
goratu egizu Jauna,
Salbatzaile
ta artzaina,
gorazarre
kantutan.
Ahalegindu
zaitez indar guztiz,
motz
geldituko zara-eta
haren
gorespenetan.
Ogi
bizi biztugarria,
abestigai
berezia
gaur
eskeintzen jaku.
Azken
Afari santuan
Hamabiei
emona
sendo
sinisten dogu.
Aho
betez, gogo betez,
barruko
pozetan gainez,
goratu
daigula.
Urtebetetzea
da-eta
mahai
santu hau lehenik
Kristok
sortu euskula.
Errege-mahai
barrian
Pazko
barriagaz da
Pazko
zaharra galtzen.
Egunak
gaua lez,
Pazko
barriak kerizpea
argiz
dau gaineztatzen.
Kristok
Azken Afarian
Berak
egina barritzeko
haren
oroiz, inoan.
Harek
agindu lez,
ogi-ardaoak
ditugu
Gorputz
Odol egiten.
Kristauok
dogu sinisgai:
ogia
Gorputz, ardaoa
Odol,
dala bihurtzen.
Ez
ikusiz, ez ulertuz,
baina
bero sinistuz,
zalantza
dogu gaintzen.
Ogi-ardao
itxuretan,
ez
ogi-ardao benetan,
badogu
zertaz harritu!
Gorputz
Odol banaetan
osorik
dago bietan
Kristo
gure janari.
Hartzen
dauanak ez hausten,
ez
apurtzen, ez bereizten,
osorik
dau jaten.
Batek
hartu, milak hartu,
milak
adina batek jan dau,
janez
ez da amaitzen.
On-gaiztoek
bardin hartzen;
ez
frutu bardinagaz:
hari
gozo, honi min.
Bata
hil, bestea biztu,
janari
bera jan, eta
zer
azken banarekin!
Ogia
apurtzean,
osoan
adina zatian
badala,
sinistu egizu.
Itxura
zati eginez,
Kristorik
ez da zatitzen,
neurri
berean dozu.]
Hona
aingeruen ogia,
bidaztientzat
janari:
semeen
ogi garbia,
ez
txakurrentzat janari.
Isaaken
oparian,
Pazkoako
bildotsean,
manaren
irudipean
jaku
adierazoten.
Artzain
on, egiazko ogi,
Jesus,
erruki zakiguz;
jan
honetaz bizkortu gagizuz,
ta
betiko atsedena
zeruan
emoiguzu.
Lurrean
bizi garala,
Zeuk
janaritzen gaituzu,
Ahaltsu-jakintsu
horrek,
zeruan
etxeko eta
mahai-lagun
egin gu.
Amen. Aleluia.
Aleluia
Jn 6, 51
R/. Aleluia.
V/. Neu naz zerutik jatsi dan ogi bizia, dino
Jaunak;
ogi
honetatik jaten dauana betiko biziko da. R/.
Ebanjelioa
Nire haragia
egiazko janari da
eta nire odola egiazko
edari.
✠ Jesu Kristoren Ebanjelioa San Joanen liburutik
Jn 6, 51-58
Aldi haretan, Jesusek esan eutson jenteari:
«Neu naz zerutik jatsia dan ogi bizia; ogi honetatik jaten dauana betiko biziko
da. Eta Nik emongo dodan ogia neure haragia da, mundua bizi dadin emona».
Judeguek eztabaidan ziharduen euren artean:
«Zelan emon ahal deusku honek bere haragia jaten?» Jesusek esan eutsen:
«Bene-benetan dinotsuet: Gizonaren Semearen haragia jaten eta haren odola
edaten ez badozue, ez dozue bizirik izango zeuongan. Nire haragia jaten eta
nire odola edaten dauanak betiko bizitza dauka, eta Neuk biztuko dot hori azken
egunean. Izan be, nire haragia benetako janaria da eta nire odola benetako
edaria. Nire haragia jaten eta nire odola edaten dauana Neugan dago eta Ni
harengan.
Bizia dan Aitak bialdu nau eta Ni Aitari esker bizi naz; era berean, Ni jaten nauana Neuri esker biziko da. Hauxe da zerutik jatsi dan ogia; ez da zuen gurasoek jan ebena lakoa, ze, hareek hil egin ziran. Ogi honetatik jaten dauana betiko biziko da».
Jaunak esana.
Hirutasun
Guztiz Santuaren ondorengo Domeka
Jai Nagusia
B urtean
I. Irakurgaia
Jaunak zuekin burutu dauan itunaren ezaugarria da odol hau.
Urteera liburutik
Ur 24, 3-8
Egun hareetan, Moisesek Jaunaren hitz eta
erabagi guztiak jakinarazo eutsozan herriari, eta herri osoak, aho batez,
erantzun eutson: «Jaunak esandako guztia egingo dogu».
Jaunak esandako guztia idatzi eutsen
Moisesek. Biharamonean, goizean goiz jagirik, altarea eraiki eban mendi-oinean,
eta hamabi zutarri ipini ebazan Israelgo hamabi leinuen izenean. Ondoren,
zekorrak hil eta Jaunari erre-oparitzat eta alkartasun-oparitzat eskeintzeko
agindu eutsen israeldar gazte batzuri. Odolaren erdia hartu eta ontzietan ipini
eban Moisesek, eta beste erdia altara gainean isuri.
Gero, itun-liburua hartu eta herriari
irakurri eutson. Herriak erantzun eban: «Obediduko dogu eta beteko Jaunak
esandako guztia». Odola hartu eta herriaren gain txipriztindu eban Moisesek,
esanez: «Lege honeen guztien arabera Jaunak zuekin burutu dauan itunaren
ezaugarria da odol hau».
Jaunak esana.
Erantzun salmoa
Sal 116 [115], 12-13. 15 eta 16bc. 17-18 (R/. ik. 13)
eta Jaunaren izenari dei egingo.
Edo: Aleluia.
V/. Zelan ordainduko deutsat Jaunari
egin
deustan on guztia?
Salbazino-edontzia
dot jasoko
eta
Jaunaren izenari dei egingo. R/.
V/. Mingarri jako Jaunari
bere
fededunen heriotza.
Zure
zerbitzari ezereza naz, Jauna,
askatu
dozuz nire kateak. R/.
V/. Gorespen-oparia deutsut eskeiniko
eta
Jaunaren izenari dei egingo.
Beteko
deutsadaz Jaunari promesak,
herri
guztiaren aurrean. R/.
II. Irakurgaia
Kristoren odolak garbituko dau gure barrua.
Hebrearrei egindako epistolatik
Heb 9, 11-15
Senideok: Kristo datozen ondasunen abade
nagusi lez agertu da. Bera sartu dan santutegia lehengoa baino handiagoa eta
bikainagoa da, ez giza eskuz egina, hau da, ez mundu honetakoa. Kristo behin
betiko sartu da santutegian, ez akerren eta zezenen odola eskeiniz, berea
baino, holan betiko askatasuna lortu deuskula.
Beraz, akerren eta zezenen odolak eta
erretako behi baten errautsek, kutsatuta dagozanen gain txipriztinduz, pertsona
horreek sagaratzeko indarra badabe, kanpotik garbi eginez, zenbatez gehiago Kristoren
odolak –betiko Espirituaren bidez bere burua Jainkoari opari garbi eskeini
eutson harenak– ez dau garbituko gure barrua heriotzara daroen egintzetatik,
guk Jainko bizia gurtzeko!
Horregaitik, Kristo itun barri baten
bitarteko da, heriotzaren bidez, lehengo itunaren sasoian egindako hutsegiteak
parkatzeko; holan, agindutako betiko ondarea jaso leikie Jainkoak deitutakoek.
Jaunak esana.
Neurtitza esan daiteke, osorik nahiz laburtuta.
Aleluia
Jn 6, 51
R/. Aleluia.
V/. Neu naz zerutik jatsi dan ogi bizia, dino
Jaunak;
ogi
honetatik jaten dauana betiko biziko da. R/.
Ebanjelioa
Hau neure gorputza da. Hau neure odola da.
✠ Jesu Kristoren Ebanjelioa San Markosen liburutik
Mk 14, 12-16. 22-26
Legamin bako Ogien Jaietako lehen-eguna zan,
pazko-bildotsa hiltzen eben eguna. Ikasleek itaundu eutsoen Jesusi: «Non gura
dozu pazko-afarirako prestaketak egitea?»
Harek ikasleetariko bi bialdu zituan,
esanez: «Zoaze urira, eta ur-errada daroan gizon bat aurkituko dozue; jarraitu
egiozue, eta sartuko dan etxeko nagusiari esan: “Maisuak itauntzen dau non
daukan ikasleekin Pazko Bildotsa jateko lekua”. Harek gela handi bat erakutsiko
deutsue goian, jantzirik eta atonduta. Prestatu hantxe behar doguzanak». Joan
ziran ikasleak eta, urira heltzean, Jesusek esaneko moduan aurkitu eben dana,
eta pazko-afaria prestatu eben.
Afaltzen ziharduela, Jesusek ogia hartu eban
eta, bedeinkapen-otoitza eginez, zatitu eta emon eutsen, esanez: «Hartu egizue:
hau neure Gorputza da». Gero, edalontzi bat hartu eta esker onezko otoitza
esanez, emon eutsen, eta guztiek edan eben bertatik. Eta esan eutsen: «Hau
neure Odola da, itunaren Odola, askoren alde isuriko dana. Benetan dinotsuet:
Ez dot gehiago ardao honetatik edango, Jainkoaren erreinuan ardao barria edango
dodan egunera arte».
Gorazarreak abestu ostean, Oliamendirantz
urten eben.
Jaunak esana.
Hirutasun Guztiz Santuaren ondorengo Domeka
KRISTOREN GORPUTZ ETA ODOL GUZTIZ SANTUAK
Jai Nagusia
C urtean
I. Irakurgaia
Melkisedekek ogi-ardaoak atara ebazan.
Hasiera liburutik
Has 14, 18-20
Egun hareetan, Melkisedekek, Xalemgo erregeak, ogi-ardaoak atara ebazan, Goi-goiko Jainkoaren abadea zalako, eta Abram bedeinkatu eban, esanez:
«Goi-goiko
Jainkoak, zeru-lurren egileak,
bedeinkatu
dagiala Abram.
Eta
bedeinkatua izan bedi Goi-goiko Jainkoa,
zeure
arerioen garaile egin zaitualako».
Abramek harrapakin guztien hamarrenak emon eutsozan Melkisedeki.
Jaunak esana.
Erantzun salmoa
Sal 110 [109], 1. 2. 3. 4 (R/. 4b)
R/. Abade zara Zu, Melkisedek bezala, betiko.
V/. Hona Jaunak nire jaunari esana:
«Jesarri
nire eskuman,
zeure
arerioak oinazpian jartzen deutsudazan bitartean». R/.
V/. Siondik zabaltzen dau Jaunak
zure
errege-makilaren aginpidea;
menperatu
egizuz guduan arerioak. R/.
V/. Zu nagusi garaipen-egunean
santutasun-distiraz;
gaztetasun-iruntza
datorkizu egunsentiaren altzotik. R/.
V/. Zin egin dau Jaunak eta ez da damutuko:
«Abade
zara Zu, Melkisedek bezala, betiko». R/.
II. Irakurgaia
Ogi honetatik
jaten
eta kaliza honetatik
edaten dozuen bakotxean,
Jaunaren
heriotza iragartzen dozue.
San Paulo Apostoluak Korintoarrei egindako lehenengo epistolatik
1 Ko 11, 23-26
Senideok: Jaunagandik hartu neban nik, neure
aldetik zuei emon deutsuedan hau: Jesus Jaunak, saldu eben gauean, ogia hartu
eta, esker onezko otoitza eginez, zatitu ebala eta esan: «Hau neure Gorputza
da, zuentzat emona. Egizue hau neure oroigarri».
Afal ondoan gauza bera egin eban kalizagaz,
esanez: «Kaliza hau itun barria da, neure Odolaz sinatua; egizue hau, edaten
dozuen bakotxean, neure oroigarri».
Beraz, ogi honetatik jaten eta kaliza
honetatik edaten dozuen bakotxean, Jaunaren heriotza iragartzen dozue, bera
etorri arte.
Jaunak esana.
Neurtitza esan daiteke, osorik nahiz laburtuta.
Aleluia
Jn 6, 51
R/. Aleluia.
V/. Neu naz zerutik jatsi dan ogi bizia, dino
Jaunak;
ogi
honetatik jaten dauana betiko biziko da. R/.
Ebanjelioa
Asetzeraino jan eben danek.
✠ Jesu Kristoren Ebanjelioa San Lukasen liburutik
Lk 9, 11b-17
Aldi haretan, Jesusek Jainkoaren erreinuaz
hitz egin eutson jenteari, eta premina eben guztiak osatu zituan. Eguna
iluntzen hasia zan. Hamabiak hurreratu eta esan eutsoen Jesusi: Bialdu egizu
jentea inguruko auzo eta baserrietara, ostatu eta janari bila joan daitezan,
ze, hemen oso aparte gagoz. Baina harek erantzun eutsen: Emon zeuok jaten.
Hareek, orduan: Ez daukagu bost ogi eta arrain bi besterik, jente honentzat
guztiarentzat jatekoa erostera geu joaten ez bagara behintzat. Bosten bat mila
gizon ziran.
Jesusek esan eutsen ikasleei: Jesarri eragin
berrogeita hamarnaka. Halan, danak jesarriazo zituen.
Hartu zituan Jesusek bost ogiak eta arrain
biak, eta, begiak zerura jasorik, bedeinkapen-otoitza esan, ogiak zatitu eta
ikasleei emon eutsezan, jenteari eskeintzeko. Asetzeraino jan eben danek, eta
gelditutako hondarrez hamabi otzara bete zituen.
Jaunak esana.
