JESUSEN BIHOTZ GUZTIZ SANTUA
Jai Nagusia
A urtean
I. Irakurgaia
Atsegin izan zaituelako aukeratu zaitue Jaunak.
Deuteronomioa liburutik
Dt 7, 6-11
Honan berba egin eutson Moisesek Israel
herriari: «Jaunarentzat, zeure Jainkoarentzat, sagaratutako herria zara; berak
aukeratu zaitu munduko herri guztien artean beraren herri, beraren jaubetza
berezi, izateko.
Jaunak atsegin izan eta aukeratu bazaitue, ez
da beste herriak baino handiago zarielako –txikiena zarie-eta –, zuen asabei
eginiko zina bete nahi izan daualako baino; horregaitik, hain zuzen, atara
zaitue ahalmen handiz esklabotzatik eta askatu Egiptoko faraoiaren menpetik.
Autortu egizu, beraz, Jauna zure Jainkoa
dala egiazko Jainkoa: Jainko leiala, maite dabenei eta haren aginduak betetzen
dabezanei ituna gordetzen eta onginahia mila belaunaldiz agertzen deutsena;
gorroto deutsonari, barriz, zuzenean emoten deutso ordaina eta hondatu egiten
dau; luzatu barik emoten deutso ordaina.
Bete, bada, gaur emoten deutsudazan
aginduak, legeak eta erabagiak».
Jaunak esana.
Erantzun salmoa
Sal 103 [102], 1-2. 3-4. 6-7. 8 eta 10 (R/. 17)
R/. Jaunaren maitasuna betidanik betidaino
begirune deutsoenentzat.
V/. Bedeinkatu begi nire arimak Jauna,
nire
barru osoak haren izen santua.
Bedeinkatu
begi nire arimak Jauna,
ez
bedi ahaztu haren mesedeaz. R/.
V/. Erru guztiak deutsuz parkatzen,
gatx
guztiak osatzen;
zure
bizia hilobitik askatzen dau,
maitasunez
eta errukiz koroatzen zaitu. R/.
V/. Jaunak justizia egiten dau,
zapaldu
guztien eskubideak defendatzen ditu.
Bere
egitasmoak agertu eutsozan Moisesi,
bere
egintza handiak israeldarrei. R/.
V/. Bihozbera eta errukiorra da Jauna,
hasarregatxa
eta onginahiz betea.
Ez
gaitu erabiltzen gure pekatuek merezi lez,
ez
deusku ordaintzen geure erruen arabera. R/.
II. Irakurgaia
Jainkoak maite izan gaitu.
San Joan Apostoluaren lehenengo epistolatik
1 Jn 4, 7-16
Seme-alaba maiteok: Maitatu daigun alkar,
maitasuna Jainkoagandik dator-eta; maite dauan guztia Jainkoagandik jaioa da
eta ezagutzen dau Jainkoa. Maite ez dauanak ez dau ezagutzen Jainkoa, Jainkoa
maitasuna da-eta.
Jainkoak deuskun maitasuna honetan agertu
zan: Jainkoak bere Seme bakarra bialdu ebala lurrera, gu haren bidez bizi
gaitezan. Honetan datza maitasuna: ez guk Jainkoa maite izatean, harek gu maite
izatean baino, eta bere Semea gure pekatuen parkamen-oparitzat bialdu izatean.
Seme-alaba maiteok, Jainkoak gu hain maite
izan bagaitu, guk be maitatu egin behar dogu alkar. Jainkoa ez dau inork inoiz
ikusi. Alkar maite badogu, Jainkoa gugan dago, eta haren maitasuna bere betera
heldu da gugan.
Guk badakigu harengan gagozala eta bera
gugan, eta hori, bere Espiritua emon deuskulako. Guk ikusi dogu eta autortzen
Aitak bere Semea bialdu ebala munduaren salbatzaile.
Norbaitek autortzen badau Jesus Jainkoaren
Semea dala, Jainkoa harengan dago, eta bera Jainkoagan. Guk ezagutu dogu eta
sinistu Jainkoak deuskun maitasuna. Jainkoa maitasuna da; maitasunean dirauana
Jainkoagan dago eta Jainkoa beragan.
Jaunak esana.
Aleluia
Mt 11, 29ab
R/. Aleluia.
V/. Hartu egizue nire buztarria, dino Jaunak,
eta
ikasi Nigandik,
gozoa
eta bihotz-apala naz-eta. R/.
Ebanjelioa
Gozoa eta bihotz-apala naz.
✠ Jesu Kristoren Ebanjelioa San Mateoren liburutik
Mt 11, 25-30
Aldi haretan, Jesusek esan eban:
«Bedeinkatua Zu, Aita, zeru-lurren Jauna, gauza honeek jakintsuei eta burutsuei
gorde eta jente txikiari agertu deutsazuzalako. Bai, Aita, halan izan dozu
gogoko.
Nire Aitak dana emon deust, eta ez dau inork
Semea ezagutzen, Aitak baino; ezta Aita be, Semeak baino, eta Semeak agertu
gura deutsonak baino.
Zatoze Neugana nekatu eta lanpetu guztiok,
eta Neuk arinduko zaituet. Hartu egizue nire buztarria eta ikasi Neugandik, ze
gozoa eta bihotz-apala naz, eta aurkituko dozue zeuen arimentzako atsedena.
Izan be, Nire buztarria leuna da, eta nire zama arina».
Jaunak esana.
IRUZKINA
Jesus apala da. Jainkoagan dau uste on osoa jarrita. Horrexegaitik dago lasai, ez dau ezerk estutzen. Eta Aitagaz konfiantza osoaz egiten dau hitz.
Haren otoitza esker oneko otoitza da. Eta horrexek daroa bere burua besteen laguntzan emotera, konplexu barik; ez dalako bera, Aita baino, babes emoten dauana.
Horixe agertzen dau zatoze neugana, nekatuok, lanpetuok… dinonean.
Bere oina Jainkoagan jarten ez dauana, nekatu egiten da. Bere burua besteen onerako emoten ez dauana, alperreko lanetan galtzen da.
Jesusek bere buztarria eskeintzen deusku. Ez da legelari eta farisearrek besteen gain ezarten daben buztarri eroanezina (Legea), bere berbearen argitasuna eta bera aurretik joatearen ziurtasuna eta adorea emoten deuskuz Jesusek.
Ez dogu jarraibide hoberik aurkituko.
JESUSEN BIHOTZ GUZTIZ SANTUA
Jai Nagusia
B urtean
I. Irakurgaia
Ikaraz jartzen jat bihotza.
Oseasen Profezia liburutik
Os 11, 1. 3-4. 8c-9
Honan berba egiten dau Jaunak:
«Israel
ume zala, maite izan neban;
eta
Egiptotik dei egin neutsan neure semeari.
Neuk
erakutsi neutsan oinez ibiltzen Efraimi,
besoetan
eroan neban;
halan
be, ez ziran ohartu Neuk nituala zaintzen.
Amodio-lokarriz
erakartzen nebazan, maitasun-loturaz:
umetxua
aurpegiraino jasotzen dauana lez nintzan hareentzat;
makurtu
eta jaten emoten neutsen.
Ikaraz
jartzen jat bihotza, dardaraz erraiak.
Ez
deutsat hasarreari bizten itziko;
ez
dot Efraim barriro hondatuko,
Jainkoa
naz-eta Ni, ez gizakia,
santua
Ni zuen artean,
eta
ez nator hasarre-suminez».
Jaunak esana.
Erantzun salmoa
Is 12, 2. 3 eta 4bcd. 5-6 (R/. 3)
R/. Atarako dozue ura pozik
salbamenaren iturrietatik.
V/. Bai, Jainkoa dot salbatzaile!
Badot
uste on eta ez naz bildur,
Jauna
dot-eta indar eta kemen,
bera
neure salbazino. R/.
V/. Atarako dozue ura pozik
salbazinoaren
iturrietatik.
«Eskerrak
Jaunari, dei egin haren izenari,
iragarri
haren egintzak herriei,
aldarrikatu
zein bikaina dan haren izena. R/.
V/. Kanta Jaunari, bikain jokatu dau-eta,
jakin
begie honen barri mundu osoan.
Egin
poz-irrintzi eta oihu, Siongo bizilagunok,
handikiro
dihardu-eta zuen alde Israelgo Santuak». R/.
II. Irakurgaia
Ezagutuko dozue
jakintza
guztien gainetik dagoan Kristoren maitasuna.
San Paulo Apostoluak Efesoarrei egindako epistolatik
Ef 3, 8-12. 14-19
Senideok: Niri, fededun guztien artean
txikiena nazan honi, dohai hau emon deust Jainkoak: Kristoren neurribako
aberastasuna jentilei iragartzea, eta guztiei argi adierazotea zelan diharduan
betetzen, Jainkoagan, gauza guztien egileagan, betidanik gordeta egoan asmo ezkutua.
Holan, agirian jartzen jake orain, Eleizearen bitartez, zeruetako aginte eta
ahalmenei Jainkoaren era askotako jakituria, Berak betidanik eban, eta Kristo
Jesus gure Jaunagan burutu dauan asmoaren jakituria. Kristori esker eta
beronengan dogun sinismenaren bitartez ausartzen gara konfiantza osoz
Jainkoagana hurreratzen.
Horregaitik, belauniko jartzen naz Aitaren
aurrean, bai zeruan eta bai lurrean familia guztien sorburu danaren aurrean,
eta hau eskatzen deutsat: bere aintzaren aberastasunari dagokionez, sendotu
zagiezala bere Espirituaren indarrez, barrutik bizi zaitezen; bizi dadila
Kristo zuen bihotzean sinismenagaitik eta izan dadila maitasuna zuen bizitzaren
erro eta oinarri. Holan ulertu ahal izango dozue, fededun guztiekin batera,
zein zabal eta luze, zein garai eta sakon dan Kristoren maitasuna; ezagutuko
dozue jakintza guztien gainetik dagoan maitasun hori, eta, holan, Jainkoaren
betetasunaz beteko zarie.
Jaunak esana.
Aleluia
Mt 11, 29ab
R/. Aleluia.
V/. Hartu egizue nire buztarria, dino Jaunak,
eta
ikasi Nigandik,
gozoa
eta bihotz-apala naz-eta. R/.
Edo:
1 Jn 4, 10b
V/. Jainkoak gu maite izan gaitu,
eta
bere Semea
gure
pekatuen parkamen-oparitzat bialdu dau. R/.
Ebanjelioa
Saihetsa zulatu
eutson,
eta odolak eta
urak urten eben.
✠ Jesu Kristoren Ebanjelioa San Joanen liburutik
Jn 19, 31-37
Pazko-jairako prestaketa-eguna zan, eta
judeguek ez eben gura zapatuan gorpuak kurutzean gelditzerik, ze, zapatu ha oso
jaiegun handia zan. Horregaitik, kurutzeratuei berna-hazurrak apurtu eta handik
kentzeko eskatu eutsoen Pilatori. Joan ziran, bada, gudariak eta berna-hazurrak
hausi eutsiezan Jesusegaz kurutzean jositako biei; baina, Jesusengana heldu
ziranean, ordurako hilda egoala ikusirik, ez eutsoen berna-hazurrik hausi,
ezpada ze, gudari batek lantzaz saihetsa zulatu eutson, eta bat-batean odolak
eta urak urten eben.
Ikusi ebanak berak autortzen dau eta
egiazkoa da haren autormena. Harek badaki egia dinoana, zuok be sinistu
dagizuen. Liburu Santuak dinoana bete zedin gertatu zan hau: «Ez deutsoe
hazurrik hausiko». Eta beste pasarte baten hauxe dino: «Zulatu ebenari
begiratuko deutsoe».
Jaunak esana.
IRUZKINA
Handia da Joan ebanjelariaren ardurea, kurutzean hilten dana aurretiaz esandakoaren betekizuna dala. Ez da edonor berak autortzen dauana. Haren aldeko autorra aurretiaz egina dago, Idaztietan aurkitzen da; eta berak baieztatu baino ez dau egiten; autorkuntza horregaz beste batzuk ere sinismenera eta autortzara heldu daitezan.
Autorkuntza honetan, Idaztien beteteaz gain, beste gauza bat ere aurkitu daiteke; Liturgiak egun honetarako eskeintzen dauan detaile bat: gudariak saihetsa zulatu eutson eta handik odolak eta urak urten eben.
Hilda dagoala ere, oraindino gehiago atara gura jako kurutzean hil dabenari. Ez da nahikoa izan harek bere bizitzan zehar egin, esan eta emon dauana, guganako bere maitasuna erakutsiz. Oraindino gehiago eskatzen jako, hilda dagoala ere. Eta harek ez dau ukatzen: oraindino emotekorik ezer geratzen bajako, haxe ere emongo dau.
Hainbesteraino maite gaitu!
Horixe dogu bidea haren jarraitzaileok: Jainkoa geure senideagan maitatzea; honen alde dana emotea, Jesusen urratsak jarraituz.
Pentekoste ondorengo III. barikua
JESUSEN BIHOTZ GUZTIZ SANTUA
Jai Nagusia
C urtean
I. Irakurgaia
Nik Neuk
larratuko ditut ardiak
eta Neuk
hartuarazoko deutset atseden.
Ezekielen Profezia liburutik
Ez 34, 11-16
Hau dino Jainko Jaunak: «Ni Neu egingo naz
artaldearen kargu, Neu arduratuko haretaz. Artzaina, artaldea sakabanatu
jakonean, ardiekin arduratzen dan lez, halantxe arduratuko naz Ni neure
ardiekin; egun lainotsu eta ilunean sakabanaturiko toki guztietatik atarako
ditut.
Herri eta lurralde arrotzetatik atarako
ditut eta batuko, eta euren lurraldera eroango; Israelgo mendietan larratuko
ditut, ibar heze eta lurraldeko herritxu guztietan. Larre oparotan janarituko
ditut eta Israelgo mendi garaietan izango dabez arditegiak; barruti ederretan
hartuko dabe atseden eta larre oparotan janarituko dira Israelgo mendietan.
Nik Neuk larratuko ditut ardiak eta Neuk
hartuarazoko deutset atseden –dino Jainko Jaunak–. Ardi galduaren bila joango
naz, desbideratua artaldera batuko dot, hanka hausia lotuko, gaixoa indartuko;
gizenak eta indartsuak zainduko ditut. Behar dan lez larratuko ditut ardiak».
Jaunak esana.
Erantzun salmoa
Sal 23 [22], 1-3. 4. 5. 6 (R/. 1)
R/. Jauna dot artzain, ez naz ezeren beharrean.
V/. Jauna dot artzain, ez naz ezeren beharrean;
larre
gurietan etzunarazoten nau,
ur-bazter
nasaira eroaten
eta
indarrak deustaz barritzen;
bide
segurutik naroa,
bere
izenari ohore eginez. R/.
V/. Ibar baltz ilunean banabil be,
ez
naz gatxaren bildur,
Zu
nigaz zagoz-eta;
zure
artzain-makilak nasaitzen nau. R/.
V/. Mahaia atontzen deustazu
arerioen
begi-bistan;
orioz
igurzten deustazu burua,
gainezka
dot edontzia. R/.
V/. Zoriona eta maitasuna ditut lagun,
bizitzako
egun guztietan,
eta
Jaunaren etxean biziko naz
amaibako
egunetan. R/.
II. Irakurgaia
Honan erakusten
dau Jainkoak
guri deuskun
maitasuna.
San Paulo Apostoluak Erromatarrei egindako epistolatik
Erm 5, 5b-11
Senideok: Jainkoak bere maitasuna isuri
deusku bihotzera, emon deuskun Espiritu Santuaren bitartez. Izan be, oraindino
pekatupean indar barik gengozala, Kristo, Jainkoak erabagitako sasoian,
gaiztoen alde hil zan. Nekez onartuko leuke norbaitek pertsona zuzen baten alde
hiltzea; halan be, pertsona on baten alde baleiteke norbait hiltzeko prest
egotea.
Baina Kristo, oraindino gu pekatari ginala,
hil zan gure alde; honan erakusten dau Jainkoak guri deuskun maitasuna.
Orain Jainkoak Kristoren odolaz zintzotzat
hartu gaituala, zenbatez gehiago ez ete gaitu salbatuko zigorretik beraren
bitartez!
Arerio ginala, Jainkoak beragaz adiskidetu
baginduzan bere Semearen heriotzari esker, zenbatez gehiago, behin adiskidetuta
gero, ez ete gaitu salbatuko haren biziari esker! Gehiago oraindino, harrotu be
egiten gara Jainkoaz Jesu Kristo gure Jaunari esker, honen bitartez Jainkoagaz
adiskidetzea lortu dogu-eta honezkero.
Jaunak esana.
Aleluia
Mt 11, 29ab
R/. Aleluia.
V/. Hartu egizue nire buztarria, dino Jaunak,
eta
ikasi Nigandik,
gozoa
eta bihotz-apala naz-eta. R/.
Edo:
Jn 10, 14
V/. Neu naz artzain ona, dino Jaunak;
ezagutzen
ditut neure ardiak,
eta
neureek ezagutzen nabe Ni. R/.
Ebanjelioa
Poztu zaiteze
nigaz,
aurkitu dot-eta
galdutako ardia.
✠ Jesu Kristoren Ebanjelioa San Lukasen liburutik
Lk 15, 3-7
Aldi haretan, parabola hau esan eutsen
Jesusek fariseuei eta lege-maisuei: «Zuetako bat, ehun ardi izan eta bat
galtzen bajako, ez ete da beste laurogeta hemeretziak larrean itzirik,
galdutakoaren bila joaten aurkitu arte? Eta, aurkitzean, lepoan hartzen dau
poz-pozik eta, etxera heltzean, lagunak eta auzokoak batu eta esaten deutse:
“Poztu zaiteze nigaz, galdutako ardia aurkitu dot-eta”.
Ba, egia esan: «Jainkoak be poz handiagoa
hartzen dau bihotz-barritzen dan pekatari bategaitik bihotz-barritu beharrik ez
daben laurogeta hemeretzi zintzoakaitik baino.
Jaunak esana.
