HIRUTASUN GUZTIZ SANTUA
Jai nagusia
A urtean
I. Irakurgaia
Jauna, Jauna, Jainko bihozbera eta errukitsua.
Urteera liburutik
Ur 34, 4b-6. 8-9
Egun hareetan, goizean goiz, harrilosa bi
harturik, Sinai mendira igon eban Moisesek, Jaunak agindu eutson lez. Orduan,
Jainko Jauna laino baten jatsi eta Moisesegaz gelditu zan, eta honek Jaunaren
izenari dei egin eutson. Moisesen aurretik igaro zan Jauna, honako hau esanez:
«Jauna, Jauna, Jainko bihozbera eta errukitsua, hasarregatxa eta onginahiz eta
leialtasunez betea!»
Bat-batean, lurreraino ahuspeztu zan Moises
eta esan eban: «Jauna, gogoko banozu, zatoz, arren, gugaz! Herri hau
burugogorra da, bai; baina parkatu Zuk gure gaiztakeriak eta pekatuak, eta
hartu gagizuz zeure ondaretzat».
Jaunak esana.
Erantzun salmoa
Dn 3, 52. 53. 54. 55. 56 (R/. ik. 52b)
V/. Bedeinkatua Zu, Jauna, gure asaben Jainkoa:
R/. Aintza eta gorespen Zuri gizaldietan!
V/. Bedeinkatua zure izen santua eta ospetsua: R/.
V/. Bedeinkatua Zu zeure tenplu santu eta ospetsuan: R/.
V/. Bedeinkatua Zu, errege-tronuan jesarrita zagozana: R/.
V/. Bedeinkatua Zu, kerubinen
gainean jesarririk,
lezak arakatzen dozuzana: R/.
V/. Bedeinkatua Zu zeru-sabaian: R/.
II. Irakurgaia
Jesu
Kristo gure Jaunaren grazia,
Jainkoaren
maitasuna
eta
Espiritu Santuaren batasuna.
San Paulo Apostoluak Korintoarrei egindako bigarren epistolatik
2 Ko 13, 11-13
Senideok: Poztu zaiteze, ahalegindu on-onak
izaten eta emon alkarri adore; izan eretxi bereko eta bizi bakean. Eta
maitasunaren eta bakearen Jainkoa zuekin izango da.
Agurtu egizue alkar besarkada santuaz.
Fededun guztiek agurtzen zaituee. Jesu Kristo gure Jaunaren grazia, Jainkoaren
maitasuna eta Espiritu Santuaren batasuna izan bedi zuekin guztiokin.
Jaunak esana.
Aleluia
Ik. Ap 1, 8
R/. Aleluia.
V/. Aintza Aitari, eta Semeari,
eta
Espiritu Santuari,
badan,
bazan eta etortzekoa dan Jainkoari! R/.
Ebanjelioa
Jainkoak bere Semea bialdu eban mundua salbatzera.
✠ Jesu Kristoren Ebanjelioa San Joanen liburutik
Jn 3, 16-18
Aldi haretan, Jesusek esan eutson Nikodemori: «Hain maite izan eban Jainkoak mundua ze, bere Seme bakarra emon eutson, beragan sinisten dauan inor galdu ez dadin, ezpada ze betiko bizia izan dagian. Izan be, Jainkoak ez eban bere Semea mundura bialdu mundua kondenatzera, beraren bitartez mundua salbatzera baino. Harengan sinisten dauana ez dago kondenatuta; sinisten ez dauana, barriz, kondenatuta dago daborduko, Jainkoaren Seme bakarraren izenean sinistu ez daualako».
Jaunak esana.
(.PPTX)
Pentekoste ondorengo Domeka
HIRUTASUN GUZTIZ SANTUA
Jai nagusia
B urtean
I. Irakurgaia
Jauna
da Jainkoa, goian zeruan eta behean lurrean;
ez
da besterik.
Deuteronomioa liburutik
Dt 4, 32-34. 39-40
Moisesek honan berba egin eutson herriari:
«Itaundu antxinako sasoiei, zu baino lehenago izandakoei, Jaunak gizakia
munduan sortu ebanetik hasita; itaundu ea inoiz holakorik jazo edo entzun izan
dan munduaren ertz batetik besteraino. Ba ete da herririk, zuk lez Jainkoa
suaren erditik berbetan entzun eta bizirik gelditu danik? Izan ete da inoiz
jainkorik, herri bat beste herri baten menpetik atara eta beretzat hartzen
ahalegindu danik? Ba, horixe egin eban Jaunak, zuen Jainkoak, zuen begi-bistan
Egipton; ezaugarri, mirari eta egintza harrigarriz, burrukaren bidez, ahalmen
handiz, esku indartsuz eta ikara zabalduz askatu zinduezan.
Autortu, beraz, gaur, eta izan beti gogoan
Jauna dala Jainkoa, goian zeruan eta behean lurrean; ez da besterik. Bete gaur
emoten deutsudazan legeak eta aginduak, zoriontsu izan zaitezen zeu eta zure
ondorengo seme-alabak, eta luzaro bizi, Jaunak, zeure Jainkoak, betiko emongo
deutsun lurraldean».
Jaunak esana.
Erantzun salmoa
Sal 33 [32], 4-5. 6 eta 9. 18-19. 20 eta 22 (R/. ik. 12b)
R/. Bai dohatsu
Jaunak bere oinorde aukeratu dauan herria.
V/. Zuzena da Jaunaren hitza,
fidagarria
harek egin dauan guztia.
Justizia
eta zuzenbidea dau maite,
Jaunaren
maitasunaz dago lurra betea. R/.
V/. Jaunak bere hitzaz egin dau ortzia,
bere
aho-arnasaz astro guztiak.
Izan
be, harek esan, eta dana egin zan;
harek
agindu, eta izaten dau jarraitzen. R/.
V/. Jauna arduratzen da begirune deutsoenez,
haren
maitasunean itxaroten dabenez,
hareek
heriotzatik libratzeko
eta
gosetean bizirik gordetzeko. R/.
V/. Guk Jaunagan dogu esperantza,
bera
dogu laguntzaile eta babesle.
Betor
gugaz, Jauna, zure maitasuna,
Zugan
dogu-eta jarria itxaropena. R/.
II. Irakurgaia
Seme-alaba
egiten zaituen Espiritua hartu dozue,
eta
Espirituaren bidez «Abba!», hau da, «Aita!»
dei egiten deutsagu Jainkoari.
San Paulo Apostoluak Erromatarrei egindako epistolatik
Erm 8, 14-17
Senideok: Jainkoaren Espirituak gidatzen
dituanak, horreetxek dira Jainkoaren seme-alaba. Zuek ez dozue hartu esklabo
egiten zaituen espiritua, barriro be bildurrez bizitzera eroango zaituena; zuek
seme-alaba egiten zaituen Espiritua hartu dozue, eta Espirituaren bidez
«Abba!», hau da, «Aita!», dei egiten deutsagu Jainkoari.
Espiritu honek berak, gure espirituagaz bat
eginez, Jainkoaren seme-alaba garala autortzen dau; eta, seme-alaba bagara,
baita oinordeko be, Jainkoaren oinordeko eta Kristoren oinordekide; izan be,
nekeetan Kristoren kideko bagara, aintzan be haren kideko izango gara-eta.
Jaunak esana.
Aleluia
Ik. Ap 1, 8
R/. Aleluia.
V/. Aintza Aitari, eta Semeari,
eta
Espiritu Santuari,
badan,
bazan eta etortzekoa dan Jainkoari! R/.
Ebanjelioa
Bateatu
ikasleak
Aitaren,
eta Semearen, eta Espiritu Santuaren izenean.
✠ Jesu Kristoren Ebanjelioa San Mateoren liburutik
Mt 28, 16-20
Aldi haretan, Hamaika ikasleak Galileara
joan ziran, Jesusek iragarri eutsen mendira. Ikusi ebenean, gurtu egin eben;
batzuk, ostera, zalantzan egozan.
Jesusek, hurreraturik, honan egin eutsen
berba: «Aginpide osoa emon deust Jainkoak zeru-lurretan. Zoaze, bada, eta egin
herri guztiak nire ikasle, Aitaren, eta Semearen, eta Espiritu Santuaren
izenean bateatuz, eta Nik agindu deutsuedan guztia betetzen irakatsiz. Eta Ni
zeuekin izango nozue egunero munduaren azkenera arte».
Jaunak esana.
HIRUTASUN GUZTIZ SANTUA
Jai nagusia
C urtean
I. Irakurgaia
Lurra
izan baino lehenagotik
sortua
izan da Jakituria.
Esaera Zaharrak liburutik
Es 8, 22-31
Honan berba egin dau Jainkoaren Jakituriak:
«Bere
jardueraren hasieran sortu ninduan Jaunak,
bere
lehenengo egintzen aurretik.
Betidanik
eratua naz hasiera-hasieratik,
lurra
izan baino lehenagotik.
Ur-lezarik
ez zanean izan nintzan sortua,
iturbururik
be ez egoanean.
Mendiak
landatuak izan aurretik,
tontorrak
baino lehen izan nintzan sortua;
artean
ez ebazan Jainkoak mundu hau eta kanpokoak eginak,
ezta
unibertsoaren lehengaiak be.
Zerua
ezarri ebanean, han nintzan ni,
ur-lezearen
gainetik zeru-sabaia jarri ebanean;
hodeiak
goian finkatu
eta
lezako iturriak sendo ezarri ebazanean,
itsasoari
mugak jarri
–urek
muga horreetatik urten ez egien–
eta
lurrari oinarriak sendotu eutsozanean,
haren
ondoan nengoan ni, obra-maisu lez;
haren
gozamena nintzan egunero,
haren
aurrean jolastuz aldi oro;
ludiagaz
jolasten nintzan
eta
gizakiekin neban gozamena».
Jaunak esana.
Erantzun salmoa
Sal 8, 4-5. 6-7. 8-9 (R/. 2ab)
R/. Jauna, gure Jauna,
bai miragarria zure izena lurbira osoan!
V/. Zure eskuen lana dan ortzia
eta
sortu dozuzan iretargi-izarrak ikusita,
zer
da gizakia, Zu haretaz gogoratzeko?,
zer
gizasemea, Zu haretaz arduratzeko? R/.
V/. Ia jainko baten pareko egin dozu,
aintzaz
eta distiraz koroatu;
zeure
eskulan guztien buru ipini dozu,
danak
haren menpe jarri dozuz: R/.
V/. ardi eta behi-taldeak,
baita
basapiztiak be,
zeruko
hegaztiak eta itsasoko arrainak,
itsasoan
dabiltzan guztiak. R/.
II. Irakurgaia
Jainkoagana
goaz Kristori esker,
Espiritu
Santuaren bitartez isuri deuskun maitasunean.
San Paulo Apostoluak Erromatarrei egindako epistolatik
Erm 5, 1-5
Senideok: Jainkoak fedeagaitik zuzentzat
hartu gaituan ezkero, bakean gagoz haregaz, Jesu Kristo gure Jaunari esker.
Honi esker, sinismenagaitik emon deusku Jainkoak grazia egoera honetan
bizitzea, eta harro gagoz Jainkoaren aintza lortuko dogun itxaropenez.
Eta ez hori bakarrik; harro gagoz atsekabeez
be, jakinik atsekabeak eroapena dauala ondorio, eroapenak probaldia gainditzeko
gaitasuna eta probaldia gainditzeak itxaropena. Itxaropenak ez dau huts egiten,
Jainkoak bere maitasuna isuri deusku-eta bihotzera, emon deuskun Espiritu
Santuaren bitartez.
Jaunak esana.
Aleluia
Ik. Ap 1, 8
R/. Aleluia.
V/. Aintza Aitari, eta Semeari,
eta
Espiritu Santuari,
badan
eta bazan
eta
etortzekoa dan Jainkoari! R/.
Ebanjelioa
Aitak
daukan guztia neurea da;
Espirituak
niretik hartuko dau adierazoko deutsuena.
✠ Jesu Kristoren Ebanjelioa San Joanen liburutik
Jn 16, 12-15
Aldi haretan, Jesusek esan eutsen ikasleei:
«Gauza asko dot oraindino zuei esateko, baina oraingoz ez zarie gauza
ulertzeko. Halanda guzti, egiaren Espiritua etortzean, harek gidatuko zaitue
egia osoraino. Ez dau berak beragandik berba egingo, ezpada ze, entzungo dauana
esango deutsue eta etorkizuna iragarriko. Harek nire aintza azalduko dau, ze
adierazoko deutsuena niretik hartuko dau.
Aitak daukan guztia neurea da; horregaitik
esan deutsuet Espirituak niretik hartuko dauala adierazoko deutsuena».
Jaunak esana.
